Ұшу қауіпсіздігін қамтамасыз ету саласында авиациялық персоналды даярлауды математикалық модельдеу

Аңдатпа

Азаматтық авиацияның қазіргі заманғы дамуы ұйымдастыру техникалық жүйелердің күрделенуімен, ұшу қауіпсіздігін қамтамасыз ету талаптарының күшейтілуімен қатар жүреді. Зерттеудің өзектілігі қауіпсіздік талаптарын ескере отырып, кәсіптік даярлау процестерін оңтайландыруға мүмкіндік беретін математикалық модельдеу әдістерін қолдану есебінен авиаперсоналды даярлаудың білім беру бағдарламаларының тиімділігін арттыру қажеттілігіне негізделген.

Зерттеу нысаны ұшу қауіпсіздігін қамтамасыз ету тұрғысынан авиаперсоналды дайындау процестері болып табылады. Зерттеу міндеттері даярлықты ұйымдастырудың қолданыстағы тәсілдерін талдауды, кәсіби құзыреттерді, қауіпсіздік параметрлерін, сондай-ақ оқу процесіне әсер ететін сыртқы және ішкі факторларды ескеретін математикалық модельді әзірлеуді қамтиды.

Зерттеудің мақсаты авиаперсоналды дайындау процесін бағалауға және оңтайландыруға мүмкіндік беретін математикалық модельді құру және сынақтан өткізу болып табылады.

Зерттеуде жүйелі талдау, басқару теориясы, математикалық модельдеу және имитациялық модельдеу әдістері пайдаланылды. Модельдің жұмысын көрсету үшін сандық мысал келтірілген, оның нәтижелері дайындық тиімділігіне барынша әсер ететін негізгі параметрлерді айқындауға мүмкіндік беретін эмпирикалық деректер негізінде иллюстрациялық сипатта болады.

Жұмыс нәтижелері персоналдың кәсіби дайындық деңгейіне әртүрлі факторлардың әсерін сандық бағалау мүмкіндігін көрсетеді. Алынған қорытындылар ұшу қауіпсіздігіне жауапты білім беру бағдарламаларын түзету бойынша ұсынымдарды қалыптастыруға мүмкіндік береді.