Цифрлық топырақ елеу симуляциясы: зертханалық үдерісті визуализациялау және практикалық маңыздылығы

Аңдатпа

Мақалада топырақтың гранулометриялық құрамын зертханалық жағдайда анықтаудың дәлдігі мен әдістемелік айқындығын арттыруға бағытталған цифрлық
симуляцияны қолдану тәсілдері қарастырылады. Зерттеудің мақсаты – елеу талдауындағы
зертханалық операциялардың дәйектілігін визуализациялайтын және стандартталған процедураның маңызын көрсететін интерактивті модельді әзірлеу және енгізу. Жұмыстың
ғылыми маңыздылығы дәстүрлі сынақ әдістемесін формализациялауға және оны цифрлық ортада дәл қайта жаңғыртуға мүмкіндік беретін алгоритмді жасауға негізделген. Практикалық маңыздылығы – нақты зертханалық жағдайда балама елеу сценарийлерін
әрдайым орындау мүмкін еместігіне байланысты симуляцияның бұл шектеулерді өтеу қабілетінде, бұл нәтижелердің дәлдігі мен қайталанғыштығын төмендетеді. Бұл мәселе тек
білім беру саласында ғана емес, инженерлік тәжірибеде де өзекті, себебі елеудің толық орындалмауы гранулометриялық сипаттамалардың бұрмалануына, сондай-ақ негіздерді жобалаудағы және көтергіштік қабілетін бағалаудағы қателіктерге әкелуі мүмкін. Осындай аспектілердің цифрлық модельге енгізілуі әдістемелік түсініктілікті арттырып, оның оқу және инженерлік ортадағы қолданылу аясын кеңейтеді және сапаны бақылаудың қосымша құралы ретінде геотехникалық шешімдердің сенімділігін күшейтеді.