Көлік қозғалтқыштарын іске қосуды жеңілдететін жылу аккумуляторларының жұмыс үдерісін теориялық зерттеулер

Аңдатпа

Қоршаған ортаның төменгі температурасы қозғалтқыштың кейбір сипаттамаларының нашарлауына, бөлшектердің беріктігінің төмендеуіне әкеп соқтырады. Сондықтан зерттеу жұмыстың негізгі өзектілігі: жылу энергияны сақтаудың әдістері мен тәсілдеріне байланысты жылу аккумуляторды жобалау, өндіріс цикліндегі жылуды қолдану, қажетті тиімді материалдарды таңдау және оны жетілдіру өзекті. Осы тұрғыдан қондырғыны пайдалануда және қозғалтқыштар жұмысының дайындығына кеткен шығынының төмендеуі арқасында көлік өнімділігінің, көлік қозғалтқыш сипаттамаларының жоғарлауына қол жеткізілді. Бұл жұмыста жылу аккумуляторының қозғалтқышты қыздыруға жұмсалатын жылу мөлшері, жылу аккумуляторының қоршаған ортаға шығындайтын жылу мөлшерінің, қоршаған ортаға бөлінген жылу қуаты, қозғалтқышты қыздырудағы жылу аккумуляторының қоршаған ортаға шығындайтын жылу мөлшері анықталды.