Алты буынды механизм негізіндегі қосиінді баспақтың динамикалық сипаттамаларын және маховигін есептеудің аналитикалық тәсілі

Аңдатпа

Мақалада қазіргі сервопрестерде кеңінен қолданылатын Стефенсонның алты буынды механизмі негізіндегі гибридті қосиінді баспақтың динамикалық жобалау әдістемесі қарастырылады. Қозғалыстың біркелкі еместік коэффициенті, қоздырушы моменттің сипаттамалары, сондай-ақ маховиктің инерциялық моменті мен орныққан қозғалыс режимінің орташа жылдамдығын анықтау әдістемесі егжей-тегжейлі талданған. Негізгі буынның массасы мен пішінінің жүйенің динамикалық мінез-құлқына әсері ерекше назарға алынған. Бұл параметрлерді дұрыс таңдаған жағдайда, негізгі буын кіріктірілген қарсы салмақтың рөлін атқара алатыны көрсетілген, бұл айналудың біркелкі еместігін және механизмнің динамикалық қателіктерін едәуір азайтуға мүмкіндік береді.  Өз кезегінде маховик массасына қойылатын талаптарды төмендетуге жол ашады, ал бұл энергия үнемдейтін машиналарды жобалауда аса маңызды. Жұмыста аналитикалық тәсіл, математикалық модельдеу және сандық талдау әдістері қолданылған. Қозғалыс теңдеулерін шешудің алгоритмдері әзірленіп, динамикалық қателіктерге баға берілген. Алынған формулалар мен сандық нәтижелер ұсынылған әдістеменің тиімділігін дәлелдейді және оның практикалық қолданбалығын көрсетеді. Бұл әдіс престерді алдын ала жобалау кезінде энергетикалық және вибродинамикалық сипаттамаларды ескере отырып, жобалаудың бастапқы кезеңдерінде өте пайдалы. Жұмыстың нәтижелері штамптау жабдықтарына арналған зияткерлік жетекті жүйелерді жасау кезінде қолданылуы мүмкін.