Ақылды желілер технологиясы. Электр желілерінің дамуы

Аңдатпа

Технологияның дамуымен қатар электр энергиясына деген қажеттілік те күрт артуда, яғни электр энергиясын өндіру ғана емес, оны тарату да үлкен мәселеге айналуда. Осылайша, сенімділікке, тиімділікке, қауіпсіздікке, сондай-ақ қоршаған ортаға және энергетикалық тұрақтылыққа деген сұраныстың артуы электр желілерін күрделендіріп жатыр. Олар бүгінде «Ақылды желілер» тұжырымдамасы ретінде белгілі интеллектуалды энергия жүйесін қамтамасыз етеді. Бұл мақалада «Ақылды желілерге» олардың ерекшеліктері мен электр энергиясын тарату саласындағы әртүрлі аспектілері туралы шолу жасалды. Интеллектуалды электр желілері және олардың дамуы қарастырылды. Сонымен қатар, бұл мақала интеллектуалды электр желілерін талдау, оларды тұтынушылардың күнделікті өміріне енгізудің артықшылықтарына арналған. Әлемнің көптеген елдерінде «Ақылды желілердің» даму кезеңдері, сондай-ақ энергия тиімділігі мен ақылды электр желілерінің жұмыс істеуін арттыруға бағытталған кейбір шетелдік жобалар қарастырылды.