Қазақстандағы тұрғын үй құрылысын жаңарту және жаңғырту мәселелері
Қаралымдар: 142 / PDF жүктеулері: 100
DOI:
https://doi.org/10.32523/2616-7263-2023-142-1-44-55Кілт сөздер:
жаңарту, жаппай тұрғын үй, тұрғын үй құрылысы, тұрғын үй сәулеті, қалалық ортаны қалпына келтіруАңдатпа
Қазақстандағы қалаларда жаппай тұрғын үйлер көптеген жылдар бойы пікірталастар мен ғылыми ізденістердің тақырыбы болып табылады. Қанағаттанарлықсыз тұрғын үй жағдайлары, зиянды қалалық орта тұрғын үйді жаңарту бойынша нақты ұсыныстарды талап етеді. Бұл зерттеу Қазақстандағы жаппай тұрғын үйдің ерекшелігін ашады және тұрғын үй құрылысын жаңартудың орындылығын анықтайды. Ғылымның экономикалық, әлеуметтік және сәулет салаларының мамандары тақырыпты зерттегеніне қарамастан, бүгінгі күнге дейін келесі мәселелерді шешуде түсініксіздік сақталуда: елдегі қайта құру стратегиясы; тұрғын үйлерді қайта құру мүмкіндігі; жаңартылатын тұрғын үйлердің түрлері. Жобалық материалдарды, әдеби дереккөздерді және статистикалық деректерді салыстырмалы талдау нәтижесінде авторлар Қазақстан Республикасындағы жаппай сериялы көппәтерлі тұрғын үйлердің жіктемесін анықтады. Бұл жіктеу құрылыстың хронологиялық тәртібін, ғимараттардың құрылымдық схемасының түрін және тұрғын үй серияларының атауын біріктіреді. Тұрғын үй қорының статистикалық деректерін әртүрлі параметрлер бойынша жүйелеу жөндеуге жататын көппәтерлі тұрғын үйдің үлесін аз қателікпен анықтауға мүмкіндік берді. Сонымен қатар, бұл жұмыс тұтастай алғанда елдегі тұрғын үй қорының құрылымына, тұрғын үй-коммуналдық шаруашылықтың ерекшелігіне және сәулет-қала құрылысын жобалау процесіне байланысты жөндеу мәселесін ашады.
